У Брагінскім РДК урачыста адзначылі Дзень міліцыі, ушаноўваючы тых, хто штодня стаіць на варце закона і забяспечвае бяспеку жыхароў.
На ўрачыстым мерапрыемстве прысутнічалі старшыня раённага Савета дэпутатаў Іна Міхаленка, начальнік раённага аддзела СК Ігар Старасценка, начальнік Брагінскага РАНС Віктар Цімонін і пракурор Брагінскага раёна Аляксей Мельнікаў. А таксама настаяцель храма Мікалая Цудатворцы, протаіерэй Уладзімір Зелянкоўскі, старшыня Брагінскай пярвічнай ветэранскай арганізацыі РАУС Сяргей Музычэнка.
Начальнік Брагінскага РАУС Яўген Андрухаў уручыў падзякі супрацоўнікам, якія вызначыліся.
– Сёння мы выказваем удзячнасць усім, хто верны абавязку і прысязе, хто з гонарам выконвае свой прафесійны абавязак, – адзначыў Яўген Андрухаў, падкрэсліўшы важнасць працы міліцыі для грамадства.
Кранальным момантам стала выступленне дзяцей супрацоўнікаў МУС, а святочны настрой гасцям працягвалі дарыць артысты Брагінскага РДК.
Самыя цікавыя і важныя навіны шукайце ў нашых сацыяльных сетках: TikTok, Instagram, VK, Одноклассники, Telegram, Facebook, Youtube.
