Яны сабралі ў Камарыне юнакоў і дзяўчат 2008–2015 г.н. Дырэктар фізкультурна-спартыўнага цэнтра дзяцей і моладзі Мікалай Шубянок расказаў, што ўдзел у іх прынялі прадстаўнікі дзесяці ўстаноў агульнай сярэдняй адукацыі.
Першымі на дыстанцыю 3х1000 м выйшлі вучні 2008–2009 г.н. Па выніках забегу ў юнакоў пераможцам стаў Сяргей Чарняеў (Іялчанская СШ), на другім месцы – Вячаслаў Пацега (Брагінская СШ), на трэцім – Канстанцін Камок (Мікуліцкая СШ). На аналагічнай дыстанцыі ў дзяўчат золата – у скарбонцы Ангеліны Ласіцы (Вуглоўская СШ), срэбра – у Любові Рудневай (Чамярыская СШ), бронза – у Ксеніі Галузы (Хракавіцкая СШ).
Прадоўжыліся спаборніцтвы забегам вучняў 2010–2011 г.н. У юнакоў перамогу святкаваў Мацвей Катлабай (Чамярыская СШ), за ім – Цімур Кечка (Брагінская СШ), замкнуў тройку лідараў Даніла Шапавал (Малажынская СШ). У дзяўчат на гэтай жа дыстанцыі лепшы вынік паказала Алёна Якута, на другім месцы – Караліна Давыдоўская (абедзьве – з Чамярыскай СШ), на трэцім – Людміла Чарнышова (Вуглоўская СШ).
Ва ўзроставай групе 2012–2013 г.н. на дыстанцыі 3х800 м на першую прыступку п’едэстала ўзняліся Мікіта Велікаборац (Малажынская СШ) і Аксана Катлабай (Чамярыская СШ), за імі – Яраслаў Муратаў (Малажынская СШ) і Злата Шубянок (Вугловская СШ), у тройцы лідараў – Рыгор Шамела і Карына Самойленка з Іялчанскай СШ.
У хлопчыкаў і дзяўчынак 2014–2015 г.н. на дыстанцыі 3х600 м першымі фінішыравалі Арцём Швабаў (Малажынская СШ) і Адэлія Крываносава (Камарынская СШ), другі вынік – у Данілы Калашнікава (Мікуліцкая СШ) і Кацярыны Кацубы (Малейкаўская СШ), трэці – у Дзяніса Буйневіча (Вуглоўская СШ) і Вікторыі Грэсь (гімназія г.п. Брагіна).
У камандным першынстве перамагла Малажынская СШ, якая набрала 234 балы, на другім месцы – Вуглоўская СШ (208), на трэцім – Чамярыская СШ (193).
Самыя цікавыя і важныя навіны шукайце ў нашых сацыяльных сетках: TikTok, Instagram, VK, Одноклассники, Telegram, Facebook, Youtube.
