Прэзідэнт Беларусі Аляксандр Лукашэнка адзначае запатрабаванасць у краіне спажыўкааперацыі, нягледзячы на ўмовы працы, якія змяніліся. Аб гэтым ён заявіў сёння на агульным сходзе прадстаўнікоў членаў Беларускага рэспубліканскага саюза спажывецкіх таварыстваў, перадае карэспандэнт БЕЛТА.
«Кардынальна змяніліся ўмовы працы. Перш за ўсё фінансава-эканамічныя. Але спажыўкааперацыя засталася вернай сваёй галоўнай мэце — працаваць на карысць людзей», — адзначыў кіраўнік дзяржавы.
«Такія людзі — добрасумленныя, правераныя дзесяцігоддзямі — нам патрэбны, і мы заўсёды будзем іх падтрымліваць. Вы цяпер, можа, наогул адзіны паспяховы прыклад моднага дзяржаўна-прыватнага партнёрства. Калі за гэтымі словамі стаяць не балбатня і пустыя пражэкты з жаданнем хутчэй уварваць прыбытак (пажадана з бюджэту), а вынік і рэальная праца, прычым не ў самых камфортных і цяплічных умовах», — падкрэсліў Аляксандр Лукашэнка.
Паводле яго слоў, дзякуючы спажыўкааперацыі ёсць упэўненасць, што ні адзін чалавек нават у самай глухой вёсачцы не застанецца без увагі. «І вы ні ў якім разе не павінны страціць свае ўзровень і статус. Зыходзячы з вашай жа ідэалогіі, накіраванай на карысць чалавека, і павінна выбудоўвацца ўся бізнес-мадэль. Думаю, новы старшыня праўлення, якога выбралі сёння, гэта разумее», — сказаў Прэзідэнт.
Ён акцэнтаваў увагу, што сёння трэба неадкладна вырашаць самыя надзённыя пытанні, многія з якіх, на жаль, сталі сістэмнымі.
Аляксандр Лукашэнка нагадаў, што яшчэ з савецкіх часоў у айчынных кааператараў ёсць выказванне — існуюць толькі дзве глабальныя сістэмы: сонечная і спажыўкааперацыі. «У гэтым жарце, як і ўва многіх іншых, толькі частка жарту. Усё астатняе — праўда. Аб тым, што такое Белкаапсаюз, сапраўды ведае кожны беларус, нават з маладога сталічнага пакалення, калі ён хаця б раз у жыцці выязджаў за межы кальцавой дарогі», — сказаў ён.
Кіраўнік дзяржавы звярнуў увагу, што гістарычна на ўсёй постсавецкай прасторы толькі ў Беларусі спажыўкааперацыя захавана і ўдзельнічае ў фарміраванні сацыяльнай інфраструктуры краіны, займаючы ў ёй унікальнае месца: «Так, можа, выпадкова, можа, таму, што я добра ведаў, што такое спажыўкааперацыя. У свой час, працуючы ў парламенце, практычна мне аднаму ўдалося вас абараніць і выратаваць. Не для таго, каб вы мне тут дзякавалі. Гэта быў мой функцыянальны абавязак як дэпутата Вярхоўнага Савета ў той час. Таму я і маю права не толькі як Прэзідэнт, але і як чалавек, у мінулым дэпутат, з вас запатрабаваць за работу».
Аляксандр Лукашэнка канстатаваў, што складана назваць сферу, дзе спажыўкааперацыя не была б прадстаўлена. Яе паслугамі ахоплена трэць насельніцтва краіны, яна дае работу 70 тысячам пайшчыкаў. За больш чым векавую гісторыю — 104 гады — Белкаапсаюз перажыў нямала ўзрушэнняў і пераўтварэнняў.
«Вашы ваенныя подзвігі, калі вы кармілі і апраналі партызан, і пасляваенныя, калі раённыя спажывецкія таварыствы, па сутнасці, выратавалі вяскоўцаў, прывозячы мізэрныя неабходныя тавары (цукар, масла, тканіны) і мяняючы іх на прадукцыю падворкаў. Такую ж мізэрную пасля вайны — цыбулю, яйкі, ягады, збожжа. А таксама пачалі карміць вясковых дзяцей-школьнікаў бясплатным снеданнем, дастойны таго, каб мы вас падтрымлівалі», — сказаў Прэзідэнт.
Лукашенко: ассортимент и обслуживание в агрогородках не должны отличаться от столичных
Лукашенко: необоснованный рост цен, особенно на социально значимые товары, недопустим
Лукашенко: белорусы нас не поймут, если будут вынуждены покупать импортные продукты по мировым ценам
Лукашенко уверен, что Белкоопсоюз может конкурировать с торговыми сетями в работе с поставщиками
Лукашенко: звероводческая отрасль должна не просить бюджетных денег, а приносить стабильный доход
Лукашенко о зарплатах в «Белкоопсоюзе»: в этом вопросе нечем хвалиться
Лукашенко поддержал предложение по лизингу оборудования для развития малых производств в регионах
Лукашенко: нас будут шатать очень долго, но я не собираюсь вставать на колени
Лукашенко местной власти: политику мифического рынка и наблюдения со стороны следует прекратить
