Дарагія землякі! Прыміце шчырыя віншаванні з 97-й гадавінай утварэння Брагінскага раёна!
Наш раён – гэта не проста кропка на карце рэспублікі, не месца жыхарства для нас. Гэта агульны дом, які аб’ядноўвае людзей розных лёсаў, пакаленняў у адно цэлае. Ён быў утвораны 1 верасня 1924 года ў выніку маштабнай рэарганізацыі народнай гаспадаркі.
Гісторыя Брагіншчыны авеяна неўміручай баявой і працоўнай славай нашых продкаў, якія ва ўсе часы змагаліся за свабоду і незалежнасць роднага краю, дабрабыт свайго народа. Працавітыя, адданыя справе людзі дзякуючы сваёй мудрасці і цярплівасці заўсёды дасягалі добрых вынікаў, паспяхова развівалі сельскую гаспадарку і прамысловасць, асушалі балоты і ператваралі непраходныя ўчасткі ў высокаўраджайныя палі.
А з якой любоўю жыхары добраўпарадкоўваюць гарпасёлкі і аграгарадкі, невялікія вёскі, захоўваюць культурныя традыцыі і абрады, перадаюць іх новым пакаленням!
Раёну жыць і развівацца, дасягаць новых вышынь, станавіцца эканамічна моцным і паспяховым. Гарантыя таму – нашы шчырыя і сумленныя людзі. Вялікі дзякуй усім, хто сумленна працуе, хто дбае аб заўтрашнім дні малой радзімы і не шкадуе для гэтага сілы.
Жадаем жыхарам Брагіншчыны моцнага здароўя, поспехаў, міру і спакою, душэўнай цеплыні і бязхмарных дзён.
Аляксандр КОХАН,
старшыня раённага выканаўчага камітэта
Аляксандр КАЛЯСАН,
старшыня раённага Савета дэпутатаў
