Фотадакументальная выстава “Нямецка-савецкая вайна: украінскі акцэнт” адкрыта ў Брагінскім гістарычным музеі з карціннай галерэяй. Яна створана на аснове матэрыялаў фондавай калекцыі Нацыянальнага музея гісторыі Украіны ў Другой сусветнай вайне.
“Вайна прайшла скрозь жыццё кожнай украінскай сям’і, памяць аб жорсткай барацьбе стала часцінкай генетычнага кода ўсяго народа. А народ, моцны сваёй генетычнай памяццю, можа супрацьстаяць любому нашэсцю”, – гаворыцца ў анатацыі да фотавыставы. Акцэнт экспазіцыі зроблены не на палітычныя і ваенныя падзеі, а на лёсы асобных людзей.
Як паведаміла дырэктар Брагінскага гістарычнага музея з карціннай галерэяй Алеся Даўгулявец, у райцэнтры фотавыстава будзе працаваць да 1 верасня.
Фота Вольгі ПАЛЯШЧУК
