Аб гэтым заявіў начальнік галоўнага ўпраўлення прафесійнай адукацыі Міністэрства адукацыі Сяргей Каспяровіч.
«У нас выбудавана сістэма бесперапыннай інтэграванай адукацыі, калі чалавек, які мае сярэднюю спецыяльную адукацыю, атрымлівае вышэйшую ў скарочаны тэрмін. Гэта вялікая колькасць спецыяльнасцей», — сказаў Сяргей Каспяровіч.
Малады чалавек, які скончыў ССНУ, можа пайсці працаваць, што было б правільным варыянтам. А калі ён пасля гэтага матываваны на навучанне ў ВНУ, ёсць магчымасць пайсці па розных траекторыях, і служба ў арміі ніяк не паўплывае на паступленне. Матываваны абітурыент вытрымае іспыты або пасля службы ў арміі, або да яе. Пры гэтым у другім выпадку яго залічаць у ВНУ і прадаставяць водпуск на час службы. Вярнуўшыся, студэнт прадоўжыць навучанне: месца на гэты перыяд за ім захоўваецца.
Рэктар Рэспубліканскага інстытута прафесійнай адукацыі Валерый Галубоўскі лічыць, што сёння моладзь больш прагматычная, раней хоча мець магчымасць распараджацца ўласнымі грашамі.
Сістэма прафесійнай адукацыі максімальна адпавядае такім патрабаванням: навучэнец за больш кароткі тэрмін можа атрымаць прафесію і прыйсці на работу падрыхтаваным спецыялістам, паколькі ў час навучання ў яго была практыка ва ўмовах прадпрыемства, за якую ён таксама атрымліваў грошы.
Больш таго, выпускнікі ССНУ ў асноўным ідуць на завочную форму ў ВНУ.
«Нічога не перашкаджае паступіць на завочную форму. Яна таксама ў залежнасці ад папярэдняй спецыяльнасці, калі па профілі, мае інтэграваныя праграмы і скарочаны тэрмін», — дадаў Валерый Галубоўскі.
Спецыялісты ўпэўнены, што выпускнікі сярэдніх спецыяльных навучальных устаноў больш падрыхтаваныя да выканання рэальных вытворчых задач. ВНУ даюць акадэмічную, фундаментальную падрыхтоўку, пасля іх многія ідуць у навуку, творчасць.
