Гасцінна сустрэла прадстаўнікоў СМІ Гомельскай вобласці Буда-Кашалёўшчына. Добразычлівыя гаспадары дзяліліся сваімі вопытам і майстэрствам ў захаванні народных традыцый, абрадаў і рамёстваў. Як ніколі, гэта тэма актуальная ў Год малой радзімы, якому і быў прысвечаны семінар, арганізаваны галоўным упраўленнем ідэалагічнай работы, культуры і па справах моладзі Гомельскага аблвыканкама. Удзельнікі наведалі мастацкую галерэю імя Маісеенкі, Чабатовіцкі цэнтр народнага побыту, сельскі дом культуры ў Губічах, раённы цэнтр ткацтва ў Гусевіцкім сельскім доме культуры, музейны пакой Уваравіцкага дома культуры.
Галіна ШАЎЧЭНКА
Фота Рамана ВЕЖНАЎЦА
