24 і 25 ліпеня недалёка ад Асарэвіч адбылося яркае свята спорту і здароўя, якое аб’яднала калектывы шасці арганізацый раёна.
Камандны дух, згуртаванасць, узаемападтрымка… Усё гэта – маладзёжны турыстычны злёт “Адзінства-2015”, незабыўныя летнія фарбы, якія прынеслі з сабой зарад бадзёрасці і здароўя для кожнага ўдзельніка. А таксама выдатная падстава яшчэ раз даказаць, што жыццё – не толькі праца і вытворчыя рэкорды.
Падчас урачыстай цырымоніі адк-рыцця мерапрыемства турыстаў віталі яго арганізатары, а невялікую канцэртную праграму падрыхтавалі артысты РДК і цэнтра творчасці дзяцей і моладзі. Потым пачаліся спаборніцтвы, якія доўжыліся два дні. Камандам патрэбна было прайсці шмат цікавых і не самых лёгкіх выпрабаванняў, прадэманстраваць свае спрыт, майстэрства і фізічную перавагу, творчыя таленты і асновы турыстычнай граматы.
У выніку ўзнагароды атрымалі:
ПАЛАСА ПЕРАШКОД
І месца – аддзел адукацыі, спорту і турызму;
ІІ месца – Камарынскі лясгас;
ІІІ месца – аддзел ідэалагічнай работы, культуры і па справах моладзі.
ВАЛЕЙБОЛ
І месца – аддзел адукацыі, спорту і турызму;
ІІ месца – Брагінская ЦРБ;
ІІІ месца – райспажыўтаварыства.
ПЕРАЦЯГВАННЕ КАНАТА
І месца – Брагінская ЦРБ;
ІІ месца – аддзел ідэалагічнай работы, культуры і па справах моладзі;
ІІІ месца – ветстанцыя.
ДАРТС
І месца – Брагінская ЦРБ;
ІІ месца – аддзел ідэалагічнай работы, культуры і па справах моладзі;
ІІІ месца – ветстанцыя.
СЦЕНГАЗЕТА
І месца – Брагінская ЦРБ;
ІІ месца – аддзел ідэалагічнай работы, культуры і па справах моладзі;
ІІІ месца – райспажыўтаварыства.
БІВУАК
І месца – Брагінская ЦРБ;
ІІ месца – аддзел ідэалагічнай работы, культуры і па справах моладзі;
ІІІ месца – Камарынскі лясгас.
МАСТАЦКАЯ САМАДЗЕЙНАСЦЬ
І месца – Брагінская ЦРБ;
ІІ месца – аддзел ідэалагічнай работы, культуры і па справах моладзі;
ІІІ месца – аддзел адукацыі, спорту і турызму.
РЫБАЛКА
І месца – Камарынскі лясгас;
ІІ месца – ветстанцыя;
ІІІ месца – аддзел адукацыі, спорту і турызму.
Пасля падліку набраных ачкоў агульнакамандныя месцы размеркаваліся наступным чынам:
І месца – Брагінская ЦРБ;
ІІ месца – аддзел ідэалагічнай работы, культуры і па справах моладзі;
ІІІ месца – Камарынскі лясгас.
Злёт прайшоў ярка і арганізавана. Вялікая заслуга ў гэтым – судзей-скай калегіі ў складзе супрацоўнікаў аддзела ідэалагічнай работы, культуры і па справах моладзі, аддзела адукацыі, спорту і турызму, дзіцяча-юнацкай спартыўнай школы, РК ГА “БРСМ”, ну і вядома, саміх удзельнікаў, якія дасканала падрыхтаваліся да спаборніцтваў.
Дамоў, акрамя ўзнагарод, стомленыя, але задаволеныя турысты везлі добры настрой і мноства фотаздымкаў, якія будуць нагадваць ім аб выдатна праведзеным часе.
