Традыцыі гэтай светлай урачыстасці ідуць з глыбіні стагоддзяў, сімвалізуючы перамогу жыцця, адраджэнне і абнаўленне духоўнага свету чалавека. Вялікдзень раскрывае сапраўдны гуманізм хрысціянства, які зацвярджае вялікую духоўную энергію ўсёдаравання і любові.
У такія дні вернікаў перапаўняюць пачуцці глыбокай, шчырай радасці і імкненне тварыць добрыя справы, акружаць цяплом і клопатам тых, хто мае патрэбу ў дапамозе і спагадзе.
Няхай жа свята Вялікадня дапаможа вам, паважаныя чытачы, быць дабрэйшымі і больш цярпімымі да блізкіх. Няхай у дамах і на вуліцах стане светла і ясна ад усмешак людзей, якія раздзеляць адзін з адным радасць гэтых урачыстых дзён.
Жадаем, каб вашы сэрцы заўсёды былі напоўнены высакародным імкненнем жыць па правілах хрысціянскай маралі і добрымі справамі ўмацоўваць магутнасць роднай Айчыны.
