Дэлегацыя з краіны ўзыходзячага сонца знаёмілася з комплексам мер, якія рэалізуюцца на тэрыторыі раёна з мэтай зніжэння ўтрымання радыенуклідаў у прадукцыі раслінаводства.
У райвыканкаме гасцей сустракалі намеснік старшыні Віталь Козел, начальнік аддзела ідэалагічнай работы, культуры і па справах моладзі Ігар Самбук, спецыялісты раённага цэнтра гігіены і эпідэміялогіі, ветстанцыі, упраўлення сельскай гаспадаркі і харчавання, фермеры. Госці з Фукусімы змаглі атрымаць адказы на пытанні, якія іх цікавяць, даведаліся пра той немалы вопыт, які напрацаваны на Брагіншчыне ў рамках пераадолення паследкаў аварыі на Чарнобыльскай АЭС.
Галіна ШАЎЧЭНКА
