Шматгадовую навагоднюю традыцыю – дарыць дзецям веру ў цуды і падарункі – працягнулі прадстаўнікі дэпутацкага корпуса Брагіншчыны. Сёння яны разам са старшынёй раённага Савета дэпутатаў Аляксандрам Калясанам завіталі да выхаванцаў дзіцячага дома сямейнага тыпу. Напярэдадні аднаго з самых светлых і радасных свят – Нараджэння Хрыстова – госці адрасавалі гаспадарам шмат цёплых слоў, пажадалі моцнага здароўя, дабрабыту і поспехаў ва ўсіх справах.
Атмасфету чараўніцтва дапамаглі стварыць Дзед Мароз і Снягурачка (работнікі РДК). Яны таксама павіншавалі дзяцей з Новым годам і Раством, уручылі ім падарункі.
Дабрачынная акцыя “Нашы дзеці” працягнецца да 10 студзеня.
Фота Вольгі ПАЛЯШЧУК
