Сёння ў парку райцэнтра было як ніколі шматлюдна. Для многіх жыхароў і гасцей пасёлка Першамай стаў нагодай сустрэцца з сябрамі, падарыць адзін аднаму ўсмешкі, выдатны настрой і зарадзіцца энергіяй вясновага сонца.
РК ГА «БРСМ» праводзіў конкурс малюнкаў на асфальце. Медыкі прапаноўвалі памераць артэрыяльны ціск. Дзеці бавілі час на батутах і надзіманых горках. Працавалі выставы дэкаратыўна-прыкладнога мастацтва.
Але асноўнае дзейства дня разгарнулася на летняй пляцоўцы, дзе праходзіў агляд-конкурс мастацкай самадзейнасці працоўных калектываў раёна «Брагінская музычная вясна».
У 17.00 пачнецца канцэртная праграма «Першамай крочыць па планеце», у 20.00 – дыскатэка «Мір! Праца! Май! Музыка!»
