Маладзёжнаму экіпажу КСУП “Чамярыскі” ў складзе старшага камбайнера Міхаіла Мікалаевіча Салдаценкі і камбайнера Дзяніса Пятровіча Тарасенкі, вадзіцелю Аляксандру Іванавічу Кудранку

Горача і сардэчна віншуем Вас з першай тысячай тон намалочанага і перавезенага зерня ўраджаю-2010.

На Вашым рахунку былі і раней выдатныя дасягненні, аб якіх ведаюць далёка за межамі раёна. Ваш поспех – вынік любові да роднай зямлі, адказных адносін да сваіх абавязкаў. Намалочаныя і перавезеныя тоны хлеба – дастойны ўклад у забеспячэнне харчовай бяспекі нашай рэспублікі.

Прыміце словы глыбокай удзячнасці за самаадданую працу, новых поспехаў, моцнага здароўя, сямейнага дабрабыту.

Раённы выканаўчы камітэт
Раённы Савет дэпутатаў

Камбайнеру КСУП ордэна Леніна “Брагінскі” Мікалаю Аляксандравічу Дзегцярэнку, вадзіцелю Анатолю Уладзіміравічу Кацубу

Ад шчырага сэрца віншуем Вас з працоўнай перамогай. Вы адны з першых у раёне намалацілі і перавезлі першую тысячу тон зерня.

Дзякуем за той уклад, які ўносіце ў агульны дабрабыт гаспадаркі і раёна, за ўменне бездакорна і сумленна выконваць свае абавязкі, вернасць хлебаробскай справе.

Жадаем Вам моцнага здароўя, аптымізму, далейшых поспехаў у працы.

Раённы выканаўчы камітэт
Раённы Савет дэпутатаў